Флик прецртал четири фудбалери на Барселона

Ханси Флик остана разочаран од начинот на кој Барселона ја заврши календарската 2024 година, па уште отсега размислува за евентуалните промени во составот во пресрет на следната сезона.

Дел од шпанските медиуми објавија дека германскиот стручњак веќе прецртал четворица фудбалери, за кои спортскиот директор Деко ќе добие зелено светло да им пронајде нова средина.

Ерик Гарсија дефинитивно не го убедил Флик дека заслужува да остане во редовите на Барса, а во иста ситуација е и Ансу Фати, кој се чини дека нема да искористи уште една шанса во редовите на шпанскиот великан.

Френки де Јонг веќе не е приоритет на стручниот штаб на Каталонците и за него може да биде прифатена поволна понуда, нешто што важи и за Андреас Кристенсен кој нема да има време да се наметне кај Флик.

Се шпекулира и со продажба на Феран Торес, но неговата форма на последните натпревари може да донесе пресврт до крајот на сезоната.