Флик покажа класа и му се извини на играчот кој не доби шанса да дебитира (Видео)

Ханси Флик ги воодушеви навивачите на Барселона со филозофијата и пристапот кој го применува во Барселона, но уште повеќе ги освои фановите со вчерашниот потег по мечот со Валјадолид.

Каталонскиот гигант го прегази аутсајдерот и славеше со неверојатни 7:0 на „Монжуик“, фудбалска забава во која Ханси Флик им даде шанса и на играчи како Серхи Домингез и Пабло Торе.

На тој начин, германскиот тренер им овозможи деби на сите играчи кои ги има на располагање во овој момент, освен на Хектор Форт кој вчера доби и објаснување и извинување по крајот на средбата.

Симпатичниот момент се случи по последниот судиски свиреж, кога Ханси Флик наместо да слави, го прегрна младиот дефанзивец и му се извини што не го ставил во игра.

Форт се загреваше во второто полувреме и очекуваше шанса од клупата, но на крајот не дочека такво нешто и ќе мора да почека за нова шанса.

Со исклучок на голманите, тој е единствениот играч кој не добил шанса за игра од оние кои се на располагање, што доволно говори дека Ханси Флик знае добро да менаџира и во ситуација кога му недостасуваат доста првотимци.

Me encantó este detalle de Flick con Héctor Fort. Lo tuvo calentando y al final no jugó ni un minuto. Al terminar el partido habló con él, le dio un abrazo y le pidió perdón. Detalles que marcan la diferencia. pic.twitter.com/cxdkpv3bZG

— -1899- (@_Futbolero_) September 1, 2024