Флик по поразот од Лас Палмас: Дел од фудбалерите се „исклучија“ и мора да зборуваме за тоа

Барселона освои само еден бод на последните три натпревари во Ла Лига, со што ја прокоцка предноста на табелата и ги загрижи своите фанови поради слабата форма во домашното првенство.

Тренерот Ханси Флик смета дека нема место за голема паника и по поразот од Лас Палмас на домашен терен, но ќе побара објаснување од дел од фудбалерите кои според него не помагале во играта во одбрана.

– Верувам во моите фудбалери, имаме добар тим и вакви натпревари може да се случат секогаш.

– Кога играме како тим, кога сите играат добро во одбрана и таа фаза започнува уште од нападот, тогаш можеме да победиме секого.

– Но, кога дел од фудбалерите не го прават тоа и се „исклучуваат“ од договорената шема, тогаш мора да зборуваме за тоа.

– Ако ги погледнете головите на Лас Палмас, направиме неколку грешки, но тие не беа само кај последната четворка, туку и претходно, – истакнал Флик.

Барса веќе во вторник има соочување со Мајорка, а дотогаш ќе има два бода предност во однос на Атлетико Мадрид, додека Реал Мадрид денеска против Хетафе има можност да дојде на минус еден, со натпревар помалку од Каталонците.