Флик отфрли засилувањe за позицијата која се сметаше за критична: Имаме доволно играчи…

Барселона ја заврши турнејата во Соединетите Американски Држави со една победа и две нерешени на силните тестови против Реал Мадрид, Манчестер Сити и Милан.

Овие натпревари како и оној против Олот беа доволни за тренерот Ханси Флик да забележи, утврди некои работи иако доста играчи од првиот тим не му беа на располагање поради различни причини.

Доста надежи, таленти добија шанса да се покажат, промовираат и дел од нив добија позитивни коментари и лесно може да ги видиме во првата екипа во престојната кампања.

Барселона поради финансиската состојба тешко доведува засилувања, меѓутоа без разлика на тие проблеми се сметаше дека клубот ќе направи напори да ја засили средината на теренот, да донесе квалитетен играч за врска, позиција која остана несоодветно пополнета по заминувањето на Серхио Бускетс.

Ама Флик по она што го виде не размислува за ново име на тој дел од теренот затоа што е задоволен од младите играчи како Марк Касадо и Марк Бернал, плус тука се и останатите фудбалери со поголемо играчи кои засега се недостапни поради повреди.

-Имаме неколку повредени играчи од средниот ред со голем квалитет. Кога ќе се вратат, ќе бидеме подобар тим и мислам дека имам доволно играчи таму, -порача Германецот.