Флик остана без уште една опција во одбраната пред дербито со Атлетик

Барслеона се мачи да ги регистрира новите засилувања и да донесе уште некој фудбалер до крајот на летниот преоден рок, па за Ханси Флик од огромно значење е да ги има на располагање фудбалерите кои и во минатото беа важни за првиот тим.

Сепак, стартот на сезоната донесе многу непознати лица во првиот тим на Барса и Германецот се потпре на неколку играчи од школата, а во низата проблеми со повредени фудбалери, сега се придодаде и Андреас Кристенсен.

Данецот има воспаление на ахиловата тетива на левата нога и ќе биде во аут најмалку еден месец, што сигурно е непланиран проблем за тренерот на Барселона.

Кристенсен може да покрие позиции и во одбраната и во средниот ред и е важен за ротацијата на Барса, па по неговиот најнов проблем, Флик ќе мора да бара нови солуции во првиот тим.

Покрај Кристенсен, поради повреда не се достапни и Гави, Де Јонг, Араухо и Ансу Фати.

MEDICAL NEWS | The first-team player Andreas Christensen has tendinopathy in his left Achilles. His return to training will depend on how his condition progresses. pic.twitter.com/ppPDNH2sG0

— FC Barcelona (@FCBarcelona) August 24, 2024