Флик нема да смета на важен играч за премиерата против Валенсија

Барселона вечерва има незгодно гостување кај Барселона на отворањето на новата сезона во Ла Лига, а тренерот Ханси Флик веќе потврди дека во составот нема да биде вклучен Дани Олмо.

Големото засилување не е подготвено за деби во дресот на новиот клуб, но тоа се случува со еден важен фудбалер кој сигурно ќе беше стартер на денешната средба.

Илкај Гундоган заработи повреда на главата на средбата со Монако и лекарскиот тим не му дал зелено светло за да патува со своите соиграчи во Валенсија, па Флик ќе мора да се снаоѓа без својот сонародник.

Барселона ги потврди фудбалерите кои ќе бидат во комбинација, а каталонски „Спорт“ потенцира дека сепак мало изненадување е што во составот го нема Клеман Ленгле иако тој се поврзува со заминување од клубот.

Микаел Фаје и Витор Роке се уште не се ни регистрирани и не се во комбинација додека и за нив се бара нов клуб, додека Ињиго Мартинез, Пау Виктор и Пабло Торе си добија место во тимот, исто како и Педри кој веќе редовно тренира со екипата.

🚨 𝑺𝑸𝑼𝑨𝑫 𝑳𝑰𝑺𝑻 🚨#ValenciaBarça pic.twitter.com/tpdirLxEIJ

— FC Barcelona (@FCBarcelona) August 17, 2024

Натпреварот се игра вечерва од 21:30 часот.