Флик: Мора да прифатиме дека заслужија да победат

Барселона го претрпе првиот пораз во оваа сезона и тоа во првиот меч од групната фаза на Лигата на шампионите каде загуби на гостувањето во Франција кај Монако со 2-1.

Каталонците уште во раната фаза го загубија Гарсија поради црвен картон, па со десетмина на теренот не успеаа соодветно да парираат, да се одбранат од нападите на домашните фудбалери.

На крајот напорот кој беше вложен не беше доволен да се дојде до позитивен резултат, но тренерот Ханси Флик е убеден дека ситуацијата ќе биде подобра на следните мечеви во елитната конкуренција.

-Се обидувавме постојано, но мора да прифатиме дека тие заслужија да победат. Сега треба да се опоравиме и да се вратиме посилни. Имаме уште седум шанси. Мораме да го прифатиме овој пораз. Сигурен сум дека со повредените играчи кога ќе се вратат ќе бидеме посилен тим, -порача германскиот стручњак.