Флик ја задржа позицијата, но Германците имале поинаков приоритет

Германската фудбалска федерација не се одлучи да му врачи отказ на Ханзи Флик, па овој стручњак останува на клупата и покрај неуспехот на СП во Катар.

Германците не ја минаа групната фаза, што е големо разочарување за поранешниот неколкукратен светски првак, но Флик ќе добие нова шанса во пресрет на ЕП во 2024 година.

Сепак, медиумите тврдат дека федерацијата имала поинаков приоритет, односно испратиле понуда до Јирген Клоп да ја преземе селекторската функција.

Клоп експресно ги одбил претставниците на федерацијата, нагласувајќи дека сака да го одработи договорот со Ливерпул, па Флик како втора опција ќе остане не клупата.

Германската федерација реагираше спротивно од шпанската, која реши да го отпушти Луис Енрике.