Флик ги предупреди играчите на Барселона пред мечот со Звезда: Тоа е неприфатливо…

Барселона дојде до посакуваната победа во соочувањето со Еспањол во Примера и со тоа ја зголеми предноста на прволигашката табела во однос на второпласираниот Реал Мадрид.

Барса го доби градскиот ривал со 3-1 во меч во кој сите погодоци ги даде во првиот дел, но и меч во кој покажа слабости особено во вториот дел каде му дозволи на противникот да притисне, да се размавне, даде гол, еден му беше и поништен, нешто што не му се допадна на германскиот стратег Ханси Флик кој испрати јасна и директна порака.

-Прифаќам дека второто полувреме не беше добро, но тоа нема да го прифатам во среда, треба да бидеме подобро. Интензитетот падна во второто полувреме и правевме грешки, -порачал Флик, а пренесува „Релево“.

Каталонците во среда и гостуваат на Црвена Звезда во рамките на 4. коло во Лигата на шампионите, дуел на кој се освен победа за нив ќе биде голема сензација.