Филаделфија го понижи Хјустон, Клиперси славеа против Оклахома

Еипата на Филаделфија славеше убедлива победа на последниот натпревар од регуларниот дел од сезоната против Хјустон со 134:96.

И двата тима играа со своите втори постави откако тренерите се одлучија да ги одмараат клучните играчи во пресрет на плеј-офот.

Во таква поставеност на теренот, кај победничкиот тим Тобијас Херис постигна 18 поени, додека Алек Брукс запиша 16 поени.

Харден доби шанса да игра 26 минути и за тоа време постигна 27 поени и десет асистенции.

Хјустон заврши како четврти на Западот и ќе игра против Оклахома, додека Филаделфија во плеј-офот ќе се сретне против Бостон.

Лос Анџелес Клиперс славеше победа против Оклахома Сити со 107:103 во натпревар во кој исто така шанса добија играчи кои не играат често во првиот тим.

Клиперси беа без Кави Ленард, Пол Џорџ и Лу Вилијамс, но сепак стигнаа до победата предводени од младиот ТЕренс Ман кој постигна 25 поени.

Клиперси во плеј-офот ќе играат против Далас Маверикс, додека Оклахома ќе се соочи со Хјустон Рокетс.