Фиго за асот на „кралевите“: Тој е еден од најдобрите на светот!

Луис Фиго своевремено беше еден од најдобрите играчи на својата позиција, ас кој остави трага во секој клуб каде што играше.

Тој денеска од свој агол ги прати сите актуелнсто случувања, особено оние кои се поврзани за Реал Мадрид. „Кралевите“ имаат перфектен старт на сезона во Примера, а за тоа најзаслужен е англискиот репрезентативец, Џуд Белингем.

Белингем пристигна во Мадрид ова лето, но иако за него ова се први месеци тој експресно се наметна и ги освои срцата на навивачите, но и на јавноста.

-Тој започна многу силно и се прилагоди многу, многу брзо на она што е Реал Мадрид. Тој без сомнеж е еден од од најдобрите во светот. За неговиот талент и посветеноста што ја покажува, иако е толку млад, -порача Фиго.

Португалецот воедно предвиде дека Џуд ќе постигне 15 до 20 голови во својата прва сезона во шпанскиот великан.