Поврзете се со нас

Шпанија

„ФИФА вирусот“ го шокираше Чави: Четврти повреден играч во неполни 24 часа!

Објавено

на

Foto:twitter.com/FCBarcelona

Паузата од клупските обврски не значеше пауза за големите фудбалски ѕвезди, бидејќи возбудувањата на терените продолжија со натпреварите во Лигата на нации во Европа, но и пријателски средби во останатиот дел од светот.

Овие натпревари често знаат да бидат окарактеризирани како нејнеблагодарни за фудбалските стручњаци кои работат во фудбалските великани, а најдобар пример за тоа доби Чави Ернандес во период помал од 24 часа.

Двајца играчи на Барселона вчера не ги доиграа натпреварите за своите селекции, а покрај Кунде и Депај, по средбата на Холандија, му беше дијагностицирана повреда и на Френки Де Јонг.

Медицинските тимови на Франција и Холандија веќе информираа дека тројцата фудбалери веднаш ќе бидат испратени во Барселона на дополнителни прегледи, но ако случајот на Де Јонг не изгледа страшен, оние на Кунде и Депај изгледаат доста посложени.

Првичните прогнози се дека ќе паузираат најмалку еден месец и дека ќе го пропуштат големото „Ел Класико“ во месец октомври, но тука не е крајот на лошите вести за Чави, бидејќи вечерва пристигна лоша вест и од селекцијата на Уругвај. После само пет минути игра, Роналд Араухо го напушти теренот со очигледни болки во пределот на препоните, па ако се работи за посериозно истегнување, Чави ќе остане и без својот втор важен дефанзивец за згуснатиот период кој следи.

Реклама
Реклама
Реклама

Популарни