ФИФА отвори дисциплинска постапка за германската репрезентација

Светската фудбалска федерација отвори дисциплинска постапка за германската репрезентација, но таа не е поврзана со гестот на фудбалерите пред првиот дуел со Јапонија.

ФИФА отвори постапка поради вториот натпревар со Шпанија, односно фактот што ниту еден германски фудбалер не се појавил на задолжителната прес-конференција пред натпреварот.

Правилата велат дека селекторот и еден фудбалер треба да зборуваат пред новинарите, но Германците се решија за уште еден вид бојкот кон ФИФА и Ханзи Флик бил сам на пресот.

Флик го објаснил потегот со тоа дека не сака да ги вознемирува своите играчи пред толку важен натпревар, но веројатно оваа причина нема да биде доволна да се избегне одредена казна.

За разлика од другите селекции, Германија избра база која е над 100 километри подалеку од Доха каде се играат натпреварите.