ФИФА објави видео од подтрибинскиот простор кое најдобро ја објаснува тензијата меѓу Меси и Вегхорст

Лионел Меси стана светски шампион и си го оствари својот животен сон, односно стигна до најголемиот успех во својата неверојатна играчка кариера, за која самиот кажа дека веќе е максимално исполнета по мундијалскиот успех.

Аргентинецот не бираше средства за да стигне до посакуваната цел и ја водеше Аргентина како виситнски лидер и капитен, но во посебно брутално издание беше по четвртфиналето во кое „гаучосите“ одиграа тензичен меч со Холандија.

Играчите на двата тима влегоа во вербални војни и Меси имаше забелешки и за селекторот Луи Ван Гал, но посебно дрзок беше кон Вут Вегхорст кого го нарече и „глупак“.

Видеото од подтрибинскиот простор додека Лео дава изјава стана вирално уште во Катар, но сега ФИФА во јавност проследи едно необјавено видео кое е прикажано во документарецот за мундијалот.

Истото ја открива целата ситуација која се случила пред фамозниот момент „што гледаш глупаку“, бидејќи Вегхорст останал навистина изнервиран откако аргентинскиот капитен одбил да се поздрави со него.