ФИФА не го одобри трансферот на Барселона кој се случи во последен час

Барселона одигра одличен натпревар на „Бенито Виламарин“ и го победи Бетис со 1:2, но по триумфот, спортскиот директор Матеу Алемани зборуваше и за последниот ден од зимскиот преоден рок, во кој Чави сепак не доби едно засилување како што посакуваше.

Тренерот на Барса посочи дека ќе биде добро ако тимот добие играч плус по заминувањата на Пике, Депај и Белерин, а иако клубот напорно работел на тоа до последен час, на крајот трансферот не се случил поради иноформатичка грешка.

Барселона ги подготвила сите документи за Хулијан Араухо од Мексико кој игра на позицијата десен бек, но младиот 21-годишен фудбалер бил пријавен во Ла Лига со задоцнување од 18 секунди.

Тоа се случило поради технички проблем, а доцнењето од само 18 секунди направи Барселона да испрати жалба до ФИФА со цел да се одобри трансферот.

За жал, одлуката на ФИФА не е позитивна за Барса, бидејќи највисокото тело во фудбалот не дало зелено светло и трансферот и официјално важи за пропаднат.