ФИФА ќе го испитува трансферот на Бруно Фернандеш и неговата клаузула

Од светската куќа на фудбалот, ФИФА, потврдија дека ќе го испитуваат последниот трансфер на Бруно Фернандеш од Спортинг Лисабон во Манчестер Јунајтед.

Манчестер Јунајтед нема никаква врска со случајот, па фановите на „ѓаволите“ може да останат мирни во целата оваа процедура.

Од ФИФА се нафатија на испитување на случајот по жалбата од Сампдорија која смета дека Спортинг Лисабон не го испочитувал нивниот договор од пред неколку сезони.

Кога Бруно Фернандеш си заминуваше од Сампдорија, во договорот беше вметната и клаузула според која италијанскиот клуб би добил 10% од следниот трансфер на играчот.

Така, Сампдроија сега си ги бара своите пет милиони евра од Спортинг Лисабон, а португалскиот клуб наводно досега одбивал да ги плати.

– Работата во моментов се истражува и со оглед на тоа не можеме да ви дадеме дополнителни коментари, -кратко одговори портпаролот на ФИФА.