ФИФА го претстави трофејот за клупското СП, златниот потпис е на престижниот бренд „Тифани“

Светската фудбалска федерација денеска гордо го претстави трофејот кој ќе му биде доделен на победникот на Светското клупско првенство во 2025 година.

Претседателот Џани Инфантино се пофали со иновативноста и дизајнот на трофејот на кој може да се забележи мапата на светот, имињата на сите конфедерации и други детали поврзани со клупскиот мундијал.

– Новото клупско СП со 32 екипи заслужува ваков трофеј, дизајниран од ФИФА и направен во соработка со „Тифани&Ko“, горд сум што можам да претставам ваков трофеј. Тој е престижен, безвременски, златен трофеј кој е симбол на иднината и е инспириран од минатото, – истакнал Инфантино.

32 екипи ќе одиграат 63 натпревари на 12 стадиони во САД, а ждрепката за групите ќе биде одржана на 5. декември.

Финалето на клупскиот мундијал е закажано за 13. јули во Њу Џерси.

Ready to #TakeItToTheWorld! 💫​@MetLifeStadium | #FIFACWC pic.twitter.com/RtMEpRlZjF

— FIFA Club World Cup (@FIFACWC) November 14, 2024