ФИФА го послуша Французинот: Револуционерното „Венгер правило“ ќе се тестира во светскиот фудбал (Фото)

Арсен Венгер е советник на ФИФА од првиот ден кога заврши со својата работа во Арсенал, па во изминативе години се истакна како еден од луѓето кои даваат интересни идеи за иновации во фудбалот.

Легендарниот француски стручњак во повеќе наврати ги критикуваше маргиналните офсајди кои се одредуваат со ВАР и посочи дека милиметарското мерење ја уништува убавината на фудбалот, па водејќи се по неговите предлози, ФИФА сега ќе тестира едно ново правило во младинските категории во Шведска.

ФИФА и ИФАБ го одобрија „правилото Венгер“ за шведските натпреварување до 19 и 21 година, во кои во новата сезона ќе се тестира ново офсајд правило, според кое недозволена ситуација ќе се суди само ако офанзивниот фудбалер е со цело тело пред одбраната на противничкиот тим.

Оваа нова методологија ќе се тестира во Шведска и сите ја поврзуваат со Арсен Венгер, но планот на ФИФА и ИФАБ е да се имплементира и во младинските категории во Холандија и Италија.

– Малку се сомневавме на почетокот, но потоа ни објаснија поубаво и ни изгледа во ред. Решивме да бидеме дел од иновацијата, особено бидејќи станува збор за категорија каде може да се експериментира. ФИФА добро ни го продаде ова правило, веруваат многу во нашиот фудбал и во организацијата која ја имаме, – вели Пер Виден, член на фудбалската Федерација на Шведска.

🚨 BREAKING: FIFA will test a new offside law, where the ENTIRE body of the attacker must be in front of the defender for it to be ruled out. The Netherlands, Italy and Sweden will test it during some games.

The player below would NOT be offside with this rule. [DirectTVSports] pic.twitter.com/Cu8jC9xCiu

— Madrid Xtra (@MadridXtra) July 1, 2023