Поврзете се со нас

Светски првенства

ФИБА го издвои Симиќ меѓу најдобрите млади кошаркари кои импресионирале на репрезентативните натпревари

Објавено

на

Кошаркарска Македонија вложува големи надежи во талентираниот кошаркар на Барселона, Теодор Симиќ кој во одлично светло се претстави во сениорската репрезентација на Македонија на мундијалските квалификации против Шпанија и Украина.

Натпреварот против Шпанија во кој Симиќ беше фантастичен со 18 постигнати поени, ги натера луѓето од ФИБА да му доделат признание и да го изберат кошаркарот меѓу десетте најдобри млади играчи кои одиграле врвно во ноемвриските квалификации.

Симиќ на во просек имаше 14.7 минути на кои постигна  10.5 поени и забележа  два скока, бројки кои го сместија неговото име меѓу најдобрите во првите квалификациски кола.

– Најмладиот на листата, Симиќ, не покажа страв за Македонија на интернационална сцена. Талентот на Барселона помина само 14.7 минути на теренот на двата натпревари, но го обележа натпреварот со Шпанија постигнувајќи 18 поени, со 75% успешна реализација.

-17 годишниот играч формираше одлично парнтерско дуо со Џејкоб Ваји и тие дваја беа единствените кошарари на Македонија кои постигнаа најмалку десет поени за Македонија, -стои во образложението на ФИБА.

Освен Теодор Симиќ, на листата се најде и Филип Петрушев од Србија кој има македонски корени, а десетката најдобри млади кошаркари ја комплетираат:  Александер Балчеровски (Полска), Микаел Јантунен (Финска), Роко Пркачин (Хрватска), Јам Мадар (Израел), Јустус Холац (Германија), Кеј Ван Дер Вурст Де Фрис (Холандија), Кенан Кеманјаш (БиХ) и Емил Стоилов (Бугарија).

Реклама
Реклама
Реклама

Популарни