ФИА направи циркус: Ја поништи казната на Алонсо и му го врати Ф1 јубилејот (Фото)

ФИА уште еднаш покажа дека може да носи непромислени и избрзани одлуки, бидејќи речиси четири часа по првичната казна која му ја врачи на Фернандо Алонсо, на крајот процени дека истата не е доволно оправдана со докази.

Шпанскиот ветеран беше трет најбрз возач на патеката во Џеда и заврши зад двоецот на Ред Бул, но по крајот на церемонијата во Саудиска Арабија, пристигна информација дека ќе добие казна од 10 секунди, втора на трката.

Поради погрешно позиционирање на стартот, Фернандо мораше да одработи казна од пет секунди во боксот, меѓутоа додека го правел тоа, еден од механичарите бил многу блиску до задниот дел и првично се заклучи дека го допрел болидот. Поради правилото да не се допира болидот додека возачот отслужува казна, Алонсо заработи нова суспензија од 10 секунди и го загуби третото место, но нешто пред полноќ оваа одлука беше поништена.

ФИА информираше дека бил направен детален преглед, а ново видео покажало дека пријавата на Мерцедес е невалидна, бидејќи механичарот не воспоставил контакт со болидот на Шпанецот.

Со ова, ФИА му го врати третото место на Алонсо, па така му беше вратен и 100-от подиум кој го оствари во кариерата.

BREAKING: Fernando Alonso's third place in Jeddah is reinstated!#SaudiArabianGP #F1 pic.twitter.com/afmhn9rh3B

— Formula 1 (@F1) March 19, 2023

Fernando Alonso. The Centurion. 💯#SaudiArabianGP #F1 @alo_oficial pic.twitter.com/pD4LPgzrNk

— Formula 1 (@F1) March 19, 2023