ФИА му додели втора казна на Алонсо, Шпанецот остана без третото место (Видео)

Ред Бул на трката за Големата награда на Саудиска Арабија само ја потврди доминацијата која ја има во однос на конкуренцијата, па еден-два триумфот на Перез и Ферстапен беше лесно остварлив дури и во ситуација кога Макс стартуваше 15-ти.

Двајцата возачи на Ред Бул ја завршија трката со огромна предност пред Фернандо Алонсо, кој по крајот на трката за жал остана без својот 100-ти подиум во кариерата.

Поради лошо позиционирање на стартот, Алонсо беше казнет со пет секунди и мораше да ја отслужи казната во боксот, но додека го правел тоа, еден од механичарите направил голема грешка.

Правилата велат дека механичарите не смеат да го допрат болидот додека се отслужува казна, а еден од нив имал мал контакт со задниот дел од болидот на Алонсо.

По пријава на Мерцедес, Алонсо доби казна од 10 секунди по крајот на церемонијата во Џеда, што значеше дека Фернандо го губи третото место и на крајот е четврти. Алонсо имаше пет секунди предност пред Расел, па третото место на крајот му припадна на Британецот.

Taking a closer look at that all-important pit stop 🔎#SaudiArabianGP #F1 pic.twitter.com/P9O1lnqWaN

— Formula 1 (@F1) March 19, 2023