ФИА ги откажа саботните квалификации во Бразил, Ф1 правилата одат во прилог на Норис

Гран-при викендот во Бразил добива чуден тек по извозениот спринт оваа сабота, бидејќи веднаш по крајот на возбудувањата, значително се влошија временските услови над Интерлагос патеката.

Силниот дожд и временските непогоди ги одложија квалификациите неколку часа, но откако стјуардите утврдија дека веќе нема услови за возење и поради лоша прегледност и видливост, саботните квалификациите беа официјално откажани.

ФИА објави дека квалификациите дефинитивно нема да се возат до крајот на денот, а сега непознато е дали воопшто ќе има време возачите да се борат за пол-позицијата пред утрешната трка.

Според правилата, квалификациите мора да завршат четири часа пред почетокот на главната трка, но во овој момент навистина непознато е дали времето ќе дозволи такво нешто.

Доколку не се создадат услови за квалификации и утре пред трката, убедливо најголем губитник ќе биде Макс Ферстапен, бидејќи правилата велат дека во такви услови се земаат во предвид резулатите од првиот петочен тренинг.

Ферстапен заврши 15-ти на тој тренинг, но бидејќи има и казна од пет позиции, во такво сценарио би стартувал 20-ти. Ландо Норис би стартувал први, што значи дека така Британецот би имал уште поголема шанса да ја намали негативата во генералниот пласман.

Qualifying for Sao Paulo Grand Prix postponed until Sunday due to weather conditions#F1 #BrazilGP | Full story 👇https://t.co/5fKAfWUxVb

— Formula 1 (@F1) November 2, 2024