ФИА: Формула 1 може да се одржува и со позитивни тестови

Формула 1 сезоната требаше да започне во Австралија, но откако првата трка беше одложена по позитивен тест за коронавирус во таборот на Мекларен, следуваше серија поместувања и откажувања.

Сега, најоптимистичкото сценарио е сезоната да започне со две трки во Австрија на стартот на јули, а одговорните во ФИА велат дека Ф1 шампионатот може да се носи и со позитивни тестови на вирусот.

– Мислам дека ситуацијата меѓу Австралија и најавената трка во Австрија, информациите за вирусот се поинакви, можеме да предвидиме и превенираме различни ситуации.

– Ако имаме еден позитивен тест, па дури и десет позитивни тестови, можеме да го менаџираме проблемот перфектно со специјален протокол за таква ситуација. Сепак, мислам дека мора да има и црвена линија за да знаеме до каде може да се оди, – изјавил Џерард Саилант, претседател на медицинската комисија на ФИА.

Во ФИА се свесни и на реакциите кои ќе се појават во јавноста доколку првенството се одржува со актуелни позитивни тестови на коронавирусот, но сметаат дека ризикот сериозно ќе се намали со изолација на клубовите.