ФФМ со сериозна забелешка до АМС: Ја заборавивте најголемата победа во историјата! (Видео)

Изборот за најдобрите спортисти во Македонија традиционално отвора и доста теми за разговор во спортските кулоари, бидејќи покрај задоволните страни, има и такви кои се сметаат за обезвреднети.

Агенцијата за Млади и Спорт вчеравечер за свечена церемонија ги избра најдобрите во индивидуален и екипен спорт, при што најголемите признанија за тимска работа заминаа во ракометот.

Репрезентациите во машка и женска сениорска конкуренција беа избрани за најдобри национални селекции, додека РФМ беше избрана за најдобра спортска Федерација.

Ракометот со години наназад е спорт број еден во нашата земја, но ФФМ смета дека од АМС не смееле да не доделат признание за најголемата победа во фудбалската историја на Македонија.

– Во последните неколку години мислевме дека видовме сѐ од Агенцијата за млади и спорт, но секогаш успеваат да направат повторно да се “фатиме за глава”. Од сите доделени награди, додаваме и една што не беше доделена: Македонската фудбалска репрезентација во 2022 година ја оствари најголемата победа во својата историја. Европскиот првак Италија падна во Палермо.