ФФМ одржа консултативен состанок со прволигашите: Нема услови да се одиграат сите натпревари до крајот од тековната сезона

Фудбалската федерација на Македонија денеска одржа состанок со прволигашите на кој се разговараше за начинот и предлозите за завршување на прекинатата натпреварувачка сезона.

На овој состанок кој имаше консултативен карактер, претставниците на прволигашите се согласија дека поради органичената временска рамка нема услови да се одиграат сите преостанати натпревари до крајот од кампањата 2019/2020 (13. натпреварувачки кола и ½ финале и финале од Купот на Македонија).

ФФМ заедно со клубовите ќе донесе на нов состанок во најскоро можно време откако ќе ги добие препораките и мерките од протоколот за одржување тренинзи и одигрување натпревари од координативниот кризен штаб за обезбедување целосна координација во врска со спречување на внесување и ширење на Корона вирус КОВИД-19.

Воедно ФФМ веќе е во процес на изготвување на протокол за одржување на тренинзи и одигрување на натпревари во услови на коронавирусот и истиот ќе го презентира пред надлежните здравствени институции.