ФФМ ги награди младинците со премија за досегашните успеси во квалификациите

Управниот одбор на Фудбалската федерација на Македонија денеска донел одлука да им биде поделена премија на членовите на нашата младинска репрезентација поради досегашните успеси во квалификациите за Европското првенство во Полска.

Индивидуалната премија е 2.000 евра, а составот предводен од Благоја Милевски може да добие и дополнителна премија доколку успее да се пласира на завршницата на Европското првенство.

У-21 селекцијата во петокот ја победи Шкотска на гостински терен и сега е на делба на првото место со 15 бодови, исто колку и Исланд кој има натпревар помалку од нашата репрезентација. Французите со ист број натпревари како Македонија имаат 14 бодови, а на ЕП ќе се пласира првопласираната селекција, додека вториот во групата може да обезбеди пласман во баражот.