Ферстапен со шампионски круг до пол-позицијата во Катар (Видео)

Макс Ферстапен веќе со месеци не го вози најбрзиот болид во Формула 1, меѓутоа и со таков распоред на силите Холанѓанецот покажа дека е вистински шампион.

Ферстапен веќе ја завери својта четврта титула во низа во „најбрзиот циркус“ и во Катар пристигна без голем притисок, но откако не импресионираше на тренинзите и за време на спринтот, вечерва се презентираше во најдобро светло.

Макс успеа да ги изненади ривалите и со извонреден круг стигна до најбрзо време на Лосаил патеката, оставајќи го зад себе Џорџ Расел, како и главните фаворити од таборот на Мекларен.

Ландо Норис имаше трето најдобро време вечерва, а зад него е тимскиот колега, Оскар Пјастри.

За Ферстапен ова е прва пол-позиција во Формула 1 по пауза од пет месеци, или поточно 41-ва во неговата блескава кариера.

Qualifying around a track like this is nothing short of mesmerising 🤩

Catch up with qualifying 👇🎥#F1 #QatarGP

— Formula 1 (@F1) November 30, 2024