Ферстапен прогнозираше кој ќе го замени Фетел во Ферари (Видео)

Формула 1 информацијата на денот секако е најавената разделба на Себастијан Фетел и Ферари, а истата веднаш ги стартуваше и шпекулациите за името на неговиот наследник во италијанскиот тим.

На оваа тема свое мислење има дури и Макс Ферстапен на кого не му пречи јавно да шпекулира со тоа кој ќе го замени Фетел во болидот на Ферари наредната сезона.

– Подолго време имаше шпекулации дали ќе остане во Ферари или не, па еве нема.

– Претпоставувам дека брзо ќе дознаеме кој ќе биде негов наследник, а сигурно нема да бидам јас, тоа можам да го потврдам. Јас сум во Ред Бул, – рекол Ферстапен во Инстаграм разговорот со поранешниот Ф1 возач Дејвид Култхард.

Со оглед на тоа што се шпекулира со имињата на Карлос Саинц и Даниел Рикардо чии договори истекуваат по крајот на сезоната, Култхард прашал дали очекува италијански или шпански тип на презиме во Ферари.

– Мислам дека нема да биде италијанско, но тоа е само моја претпоставка, останува да видиме, – порачал Ферстапен.

Max Verstappen on who’s gonna replace Seb pic.twitter.com/kGKvxH8dNz

— 🌈 (@heitsraf) May 12, 2020