Ферстапен по одличната трка во Џеда: Сите се среќни, но јас не

Актуелниот шампион во Формула 1, Макс Ферстапен извоза одлична трка во Џеда, на втората трка за Големата награда на Саудиска Арабија.

Холанѓанецот тргна од 15.  место и на крајот стигна до второто место, но и покрај тоа истакна дека не е задоволен како се одвивале работите.

– Стигнав до второто место и сите во тимот се среќни, но јас лично не сум. Не дојдов да бидам втор, посебно не по напорната работа и максималните подготовки, -изјави Ферстапен.

На трката во Саудиска Арабија победи неговиот тимски колега, Серхио Перез, а третата позиција му припадна на ветеранот Фернандо Алонсо кој има одличен старт на сезоната.

Во генералниот пласман води токму Ферстапен со 44 освоени бодови, еден повеќе од Серио Перез кој е на втората позиција.