Ферстапен недопирлив за конкуренцијата на квалификациите во Шпанија (Фото)

Макс Ферстапен вози во страшна форма и изгледа несопирливо во овој момент, не само поради доминацијата на неговиот Ред Бул, туку и поради перформансите кои ги покажува секој тркачки викенд.

Холандскиот возач беше пребрз за конкуренцијата и на денешните квалификации на трката за Големата награда во Шпанија, односно не им даде никаква шанса на патеката во Каталуња.

Бруталната доминација на Макс најдобро е отсликата од неговотот најдобро време 1:12.272 кое беше за речиси половина секунда подобро од второто најдобро на Карлос Сајнц, што доволно говори колкава е разликата пред утрешната главна трка.

Ферстапен ќе биде во пол-позиција да стигне до нова победа и да ја зголеми предноста во генералниот пласман, а супер вест за него е и тоа што Фернандо Алонсо и Серхио Перез имаа лоши квалификации.

Тимскиот колега на Ферстапен заврши 11-ти, додека Алонсо ќе стартува деветти. За Макс ова е прва стартна позиција во Шпанија и утре ќе биде голем фаворит за остварување на нов триумф.