Ферстапен направи „сефте“ во Канада и продолжи да доминира во Ф1 шампионатот

Возачот на Ред Бул, Макс Ферстапен е победник на трката за Големата награда за Канада која се возеше на стазата „Жак Вилнев“ во Монтреал.

Актуелниот Ф1 шампион ја потврди добрата форма и дојде до петтата победа во последните шест трки со што дополнително ја зголеми предноста во генералниот пласман. Ова за Холанѓанецот беше прв триумф во Канада, вкупно 26 во кариерата или поточно вечерва ги остави зад себе Карлос Саинц од Ферари и Луис Хамилтон од Мерцедес кои испеаа да се искачат на подиумот.

Џорџ Расел имаше добар настап и ја зазема четвртата позиција, додека фантастичен беше Шарл Леклер кој почна претпоследен, а на крајот заврши како петти.

Бодови уште освоија Окон, Алонсо, Ботас, Жоу и Строл.