Формула 1

Ферстапен најбрз во Бахреин, кошмар за Ферари, Алонсо е возач на денот

Објавено

на

5 март, 2023

Од

Александар Богоевски

Photographer Credit: Getty Images / Red Bull Content Pool

Возачот на Ред Бул, Макс Ферстапен е победник на првата трка во оваа календарска година која се возеше за Големата награда на Бахреин.

Холанѓанецот го прекина проклетството и конечно дојде до победа на оваа патека, на која изминативе години имаше разни проблеми. Меѓутоа денеска Ферстапен беше доминантен и дојде до славје со кое испрати јасна порака дека ќе направи се што може да остане на врвот и во оваа сезона.

Неговиот клупски колега Серхио Перез заврши како втор, додека пак третото место му припадна на некогашниот шампион Фернандо Алонсо кој имаше одлично издание и го понесе признанието возач на денот.

Ферари нема по добро да го памети отворањето на сезоната, Леклер мораше да се откаже поради дефект на болидот, додека Сајнц на крајот заврши на четвртата позиција.