Фереро за ситуацијата со Алкарас: Има проблем со дишењето…

Карлос Алкарас не се прослави во првиот натпревар на АТП завршниот турнир во Торино каде претрпе неочекуван пораз од Каспер Руд и тоа во два сета.

Шпанецот не беше свој, не беше на посакуваното ниво и загуби со што се стави во непријатна позиција кога е во прашање пласманот во полуфиналето на турнирот. Алкарас по натпреварот откри дека се разболел пред Мастерсот, а пак неговиот тренер Хуан Карлос Фереро обелодени дека уште ги чувствува последиците.

-Штом ќе потрча, веднаш има проблем со дишењето. Го стега во белите дробови. Лошо момент да се разболи. Сите сме играле во вакви околности. Мислам дека нема да дојде до тоа да не може да излезе на терен. Ќе биде тешко да биде 100 проценти подготвен, -порача Фереро.

Алкарас за ривал во второто коло го има Андреј Рубљов.