Поврзете се со нас

АТП

Фереро: Алкараз заслужено е број еден, вистина е дека Ѓоковиќ…

Објавено

на

Карлос Алкараз веќе некое време е светски број еден на АТП листата, но и понатаму има одредени коментари за тоа дали навистина ова сценарио ќе се оствареше ако Новак Ѓоковиќ ги немаше проблемите со настапот на турнирите.

Ѓоковиќ поради својот вакцинален статус не играше на Ју-Ес Опен и Австралија Опен, не играше на Мастерсите во Северна Америка, додека пак не доби поени на Вимблдон и покрај тоа што го освои тој грен слем.

-Нормално е што некои мислат дека Карлос не го заслужил тоа место, бидејќи точно е дека Ѓоковиќ не играше на два грен слема. Би можел да ги освои, но никогаш нема да дознаеме. На крајот на денот, мислам дека Карлитос сè уште го заслужува првото место, бидејќи тој ги доби речиси сите натпревари оваа година. Мислам дека имаше многу успешна сезона. Мора да го почитуваме сечие мислење, но мислам дека е заслужено, -вели Хуан Карлос Фереро кој е тренер на неговиот сонародник.

-Кога успехот ќе дојде рано, секогаш постои опасност да се изгуби мотивацијата и малку да се опуштите што потоа води до тоа да не тренирате што е можно повеќе. Надвор од теренот ме загрижува тоа што многумина му кажуваат колку е добар и што не му кажуваат како навистина стојат работите. Знам како е, знам дека е тешко да се справиш со тоа, затоа се обидуваме да му објасниме некои работи и да го контролираме. Од тениска гледна точка, следната сезона ќе биде тешка бидејќи брани многу поени, но е на доволно високо ниво за уште една одлична сезона, заклучува Фереро.

Реклама
Реклама
Реклама

Популарни