Фердинанд „знае“ кои екипи ќе се пласираат во полуфиналето на ЛШ

Вчера во Нион беше извршена ждрепката за четвртфиналето на Лигата на шампионите, фаза во која ќе имаме една мега битка меѓу Манчестер Сити и Баерн Минхен, потоа тука е пресметката меѓу Реал Мадрид-Челси, додека останатите две двојки ги сочинуваат Наполи-Милан и Интер-Бенфика.

Ова значи пред нас се многу возбудувања пред елитната конкуренција, натпревари по кои дел од екипите ќе бидат чекор поблиску до трофејот во ЛШ.

Англиската легенда, Рио Фердинанд редовно ги прати сите случувања, па веднаш даде една своја прогноза за тоа кои тимови ќе поминат во полуфиналето.

-Пласман во наредната фаза…Реал, Сити, Интер и Наполи, -порача Рио.

Ако се оствари ова тоа значи дека во полуфиналето ќе гледаме пресметки Реал Мадрид-Манчестер Сити и Наполи-Интер.