Фердинанд за потегот на шампионот: Сити заврши голема работа со неговиот ангажман…

Манчестер Сити ја покори Англија и Европа во минатата сезона освојувајќи ги трите најважни титули и тоа Премиер лигата, ФА Купот и Лигата на шампионите.

Со ова „граѓаните“ станаа втор англиски тим со ваков успех по Манчестер Јунајтед, но на Пеп Гвардиола и на управата на клубот им е јасно дека од минатото не се живее и дека ќе мора да направат одредени промени во ростерот во текот на летово, да го засилат тимот, да додадат свежа крв.

Еден од оние кој досега беше ангажиран е хрватскиот репрезентативец Матео Ковачиќ кој пристигна од редовите на Челси. Тој веќе подолго време е на сцената, знае како е да се игра на највисоко ниво, да се освојуваат титули и според Рио Фердинанд неговиот ангажман е топ потег на составот од „Итихад“.

-Сити заврши одлична работа со доведувањето на Ковачиќ. Го загубија капитенот Гундоган, но Ковачиќ е луцидно засилување, особено за цената што ја платија за него. Мислам дека сумата беше околу 35 милиони евра, што е огромна работа. Станува збор за играч полн со искуство, кој ги освоил најголемите трофеи и кој е поинаков играч од она што го имаат на тие позиции. Тој може да ја повлече топката меѓу линиите, така што тоа е добар потпис, -порача јасно англиската легенда.

Матео се обврза на соработка до 30 јуни 2027 година.