Фердинанд издвои само еден играч на Јунајтед: Тој може да оди со крената глава

Манчестер Јунајтед одново ги разочара своите навивачи со настапот, пристапот на средбата со Тотенхем која во својот дом ја загуби со 3-0.

За домаќините беше проблем и тоа што од финишот на првиот дел играа без исклучениот Бруно Фернандеш, меѓутоа ако се погледне целосната слика, прикажаното тоа е далеку од нивото на еден великан како што е составот од „Олд Трафорд“.

Доста критики има на адреса на менаџерот Ерик Тен Хаг, но и за играчите од кои според Рио Фердинанд само еден заслужува позитивна оценка-тоа е голманот Андре Онана.

-Знаете кого треба да издвојам, а кој добиваше многу критики минатата сезона? Онана. Без него ќе примевме шест или седум. Онана е добар оваа сезона, тој направи чекор напред, имаше големи одбрани. Да, имаше некои чудни работи овде-онде, но тој беше она што сакате да го видите. Она што очекував да го видам од Онана е тоа што го гледам оваа сезона. Тој е единствениот кој од овој дуел излегува со каква било заслуга, позитива.

-Може да си замине со крената глава. Ама нема да го направи затоа што е повреден, прими три гола. Ама не беше виновен за ниту еден од погодоците, тој не задржа во игра, -порача Рио по вчерашниот меч.