Фердинанд го нападна Карагер: Покажа големо непочитување кон играч на Јунајтед (Видео)

Касемиро повторно стана топ тема во англиската јавност поради своето хорор издание на дербито против Ливерпул, а масло на огнот дефинитивно додаде и Ерик Тен Хаг кој со својата одлука да го извади на полувреме им овозможи на експертите да бидат уште побрутални во анализите.

Легендарниот Бразилец се најде на сериозен удар и вторпат во период од неколку месеци е буквално „линчуван“ во јавноста, но коментари како оној на Џејми Карагер можеби и се малку претерани за луѓе кои во минатото беа дел од англиската елита.

Поранешниот стопер на Ливерпул му препорача на Касемиро да го напушти фудбалот, пред фудбалот целосно да го напушти него, а ваквиот негов став сега беше искоментиран од Рио Фердинанд.

Некогашниот стопер е еден од оние кои постојано стојат на страната на Касемиро, фудбалер кој освои се што можеше да се освои како член на Реал Мадрид, вклучувајќи пет титули во Лигата на шампиони.

– Слушнав како Карагер вели „напушти го фудбалот, пред фудбалот да те напушти тебе“! Сметам дека тоа е огромно непочитување. Сметам дека е многу непочитувачки поради сето она што го има освоено мојот човек Касемиро, има направено многу повеќе во фудбалот од само неколку грешки.

– Ако ги погледнете двата меча на Јунајтед пред оној со Ливерпул, тој беше најдобар играч на Јунајтед. Лесно е да се каже дека тој е готов, дека е зваршен, дека е премногу стар. Кога го гледам него, сметам дека во Јунајтед се бара премногу од него, тоа е нешто на што не е навикнат. Се бара да го диктира темпото, да испраќа долги пасови, тоа се работи кои во Јунајтед нема од кој да ги добие.

– Никогаш не се бараше од него да го прави тоа во Реал Мадрид. Тој ја чистеше опасоста, беше осигурач за играчите од нападот, имаше лизгачки стартови и покриваше за другите. После тоа, им даваше на другите играчи да играат фудбал, – порачува Фердинанд.

“Leave the football before the football leaves you”@23_carra you’re out of order! #MUFC#CASEMIRO pic.twitter.com/ryz0f4gaym

— Rio Ferdinand (@rioferdy5) September 2, 2024