Фердинанд: Де Лихт на крајот беше подобар избор од другиот стопер за кој бараа 70 милиони фунти!

Рио Фердинанд истакна дека Матијс Де Лихт нема да биде идеално решение за Манчестер Јунајтед додека медиумите го најавуваат трансферот на Холанѓанецот, но сега откако се реализираше истиот, легендарниот стопер почна да ја менува тезата.

Фердинанд во свое време важеше за еден од најдобрите дефанзивци во светот и поради тоа секогаш е доста критички настроен кон ѕвездите кои играат на тие позиции, но дури и во ситуација кога не е задоволен од развојот кој го имаше Де Лихт во Јувентус и Баерн Минхен, вели дека сепак е подобар избор од Џаред Брантвајт.

Манчестер Јунајтед на крајот го доби Де Лихт за сума од 50 милиони евра, додека Евертон за Брантавјт бараше 70 милиони фунти (82 милиони евра).

– Сметам дека Де Лихт на крајот е подобарр избор од другиот стопер. Евертон бараше 70 милиони фунти за Брантвајт и тоа е премногу за него. Сметам дека Де Лихт има предност и поради искуството, има играно за многу топ клубови во Европа, има играно во Лигата на шампиони и слично.

– Јасно е, Де Лихт има што да докаже во Јунајтед. Тој не успеа да биде главен лик во другите клубови, освен во Ајакс. Ќе видиме дали ќе му успее тоа во Јунајтед, – вели Фердинанд.