Ферари издоминира во Лас Вегас, Леклер ќе стартува од пол-позицијата

Шарл Леклер и Карлос Саинц обезбедија доминација на Ферари во квалификациите за Ф1 трката во Лас Вегас, додека шампионот Макс Ферстапен мораше да се задоволи со трето најдобро време во решавачката трета сесија.

Леклер стигна до петтата пол-позиција во текот на оваа сезона, а до неа стигна со мала предност во однос на Саинц, кој сепак ќе стартува од единаесеттата позиција поради казната за менување делови во пресрет на квалификациите.

Расел и Гасли ќе стартуваат од вториот ред според денешните резултати, а до десеттото место денеска се пласираа и Албон, Сарџент, Ботас, Магнусен и Алонсо.

Најголемо разочарување во Лас Вегас беше Луис Хамилтон, кој не успеа да обезбеди место во последната сесија и ќе стартува зад Саинц на утрешната трка.

LECLERC ON POLE IN VEGAS!!! ✨#LasVegasGP #F1 @Charles_Leclerc pic.twitter.com/UGDgr59oBH

— Formula 1 (@F1) November 18, 2023