Феникс го изненади Работнички, Кожув ја продолжи победничката серија

Последното коло во календарската 2024 година во македонското кошаркарско првенство носи интересни натпревари, а на првите два на крајот се радуваа кошаркарите на Феникс и Кожув.

Екипата на Феникс 2010 се врати од 15 поени негатива на дуелот со Работнички и на крајот победи со 73:71, со што врза две победи по претходниот триумф над Шкупи.

Димитриев со 17 и Бертранд со 14 поени беа најефикасни во редовите на домашната екипа, додека кај Работнички се истакнаа Ефремовски со 16 и Шошкиќ со 15 поени.

Кожув стигна до четврта победа по ред и на одличен начин ја заврши календарската година, а денеска стигна до убедлив триумд над Чаир.

Пилепиќ со 23 поени ги предводеше гевгеличани, додека на спротивната страна се истакнал Мофит со 27 поени.