Фенербахче застана во одбрана на Мурињо: Неговиот коментар е изваден од контекст

Галатасарај и Фенербахче одиграа реми со голови во вчерашното тензично турско дерби, а од оваа средба најмногу се зборува за изјавата на Жозе Мурињо дадена по завршувањето на натпреварот.

Португалецот го критикувал противникот, по што Галатасарај обвини дека забелешките на Мурињо се расистички и побара одговорност за предводникот на големиот ривал.

Мурињо предизвика земјотрес во Турција со бомбастична изјава, Галатасарај ќе покрене кривична пријава!

Денеска реагираше и Фенербахче, кој очекувано застана во одбрана на Мурињо.

– Коментарот на Мурињо е изваден од контекст, ова е класична клевета која сака да предизвика дополнителен анимозитет меѓу двата клуба надвор од теренот.

– Мурињо опиша како се однесувала противничката клупа и го употреби зборот мајмуни. Кога некој ќе ви каже дека трчате како зајак, тоа не значи дека вие сте зајак. Јасно е дека нема никаков расизам во изјавата на тренерот, – велат од Фенербахче.