Фенербахче собра НБА играч и експресно му го позајми на Баерн

Раководството на евролигашот Фенербахче успеа да го добие потписот на Онуралп Битим и досегашниот НБА играч се враќа во Европа, односно во својата татковина.

Битим го потврди својот голем потенцијал во редовите на Бурсаспор, по што во 2023 година стана член на Чикаго Булс и ја отвори новата етапа во својата кошаркарска кариера.

Минатата сезона Битим одигра 23 натпревари во редовите на „биковите“, но подоцна мораше да направи операција на едното око и да паузира одреден период.

Сега Битим решил да ја прифати понудата на Фенербахче, а турскиот клуб потврди дека потпишал договор до сезоната 2027/28.

Она што исто така е потврдено од Фенер е дека Битим сезонава ќе игра како позајмен играч во редовите на Баерн Минхен.