Фенербахче со пресврт до славје во Болоња

Екипата на Фенербахче продолжува да победува во Евролигата, а најновиот шести триумф го оствари на гостувањето во Болоња кај Виртус со резултат 86:82.

Домашниот тим во неколку наврати во последниот период водеше со десет разлика, меѓутоа и тоа не беше доволно за да го сруши актуелниот лидер во својот дом. Избраниците на Јасикевичиус се враќаа, покажаа карактер и на крајот со ефикасен последен дел во кој уфрлија дури 30 поени се изборија за деветта победа во единаесеттиот меч во ова натпреварување.

Гудуриќ со 21 поен од кои 9 беа во последната четвртина беше лидер кај Фенер каде исто се истакнаа Хејс-Дејвис со 19 кошеви и 8 скока, но и Колсон со 18 поени со 8 скока.

Шенгелија со 23 поени беше најефикасен играч на теренот.