Феликс со прва изјава по враќањето во Челси: На моите пријатели им нагласив дека…..

Жоао Феликс направи голем трансфер во Атлетико Мадрид вреден 127 милиони евра, но пет години подоцна, клубот од шпанската престолнина едвај успеа да се ослободи од него.

Откако го наруши односот со Чоло Симеоне, Португалецот беше праќан на позајмици во Челси и Барселона, па иако лани се чинеше дека каталонците ќе го откупат неговиот договор, сепак Англичаните се тие кои го одврзаа ќесето.

Челси денеска потврди дека Жоао потпишал седумгодишен договор до 2030-та година, а Атлетико за продажбата на својот најскап играч во историјата ќе инкасира повеќе од двојно помалку, 60 милиони евра (50+10 во вид на бонуси).

По двегодишна голгота, Атлетико сепак го дочека денот кога и официјално го продаде Феликс, па додека во Мадрид се чувствува олеснување, во Лондон владее голем оптимизам поради неговиот потпис.

– Многу сум среќен што се вратив во Челси и едвај чекам да стартувам. Гледам некои познати лица од претходниот пат и тоа секогаш е убаво.

– Уживав во моето време тука и на моите пријатели веќе им нагласив дека еден ден сакам да се вратам во Премиер лигата. Тоа што потпишав пак за Челси ја прави работата уште повозбудлива, – гласи првата изјава на Феликс.