Фелер за конфликтот Баерн-Нојер: Двете страни направија грешки

Отказот за тренерот на голманите Тони Тапаловиќ предизвика конфликт меѓу раководството на Баерн Минхен и капитенот Мануел Нојер, кој критикуваше јавно поради овој потег.

Баерн го отпушти Тапаловиќ поради несогласувањата со тренерот Јулијан Нагелсман, а Нојер испрати остри критики, кои ги налутија челниците на клубот, па Хасан Салихамиџиќ јавно го обвини дека ги става личните пред клупските интереси.

Директорот на германската репрезентација, Руди Фелер, смета дека двете страни треба да ги смират страстите и да ја продолжат вообичаената соработка.

– Двете страни направија грешки, но тие не се толку големи за да не може да се исправат.

– Ова што во моментов се случува е еден вид хистерија поради изјава на толку трофеен и успешен фудбалер. Мислам дека двете страни треба да седнат да разговараат и да ги надминат недоразбирањата, – изјавил Фелер.