Поврзете се со нас

АТП

Федерер е свесен дека ќе продолжи тенисот, но стравува од едно непосакувано сценарио

blank

Рожер Федерер откри дека не тренира тенис за време на паузата поради коронавирусот и засега нема план да го прави тоа, бидејќи како што вели самиот, засега нема никаква најава дека „белиот спорт“ би се вратил на програмата.

Прогнозите за тенисот се најцрни од сите други спортови за оваа 2020-та година и Рафаел Надал практично ја опиша како сезона во која тешко дека играчите ќе се вратат на терените, но за разлика од Шпанецот кој е подготвен да игра и без фанови, Федерер не може да се помири со такво сценарио.

Швајцарецот е свесен дека тенисот во еден момент ќе се врати и за играчите ќе биде безбедно да играат едни против други, но според негово мислење, ќе биде бесмислено да го прават тоа без публика на трибините.

– Искрено, не можам да замислам да се натреварувам пред празни трибини. Тренингот без публика е едно, но меч без публика е друго. Ќе ми биде многу тешко да играм без фанови, тоа е најнепосакувано сценарио, – вели Федерер и додава.

– Мора да кажам дека ми одговара оваа пауза. Од 2016-та година кога правев операција, немав минато повеќе од пет седмици заедно со моето семејство во нашиот дом. Среќни сме, здрави, иако понекогаш се нервираме едни со други со оглед на тоа што постојано сме дома, – порача 38-годишниот маестро од Базел.

Продолжи
Реклама
Реклама
Реклама

Facebook