Фаулер со трансфер совет за Слот: Тој е брз и силен, идеален за Ливерпул!

Арне Слот минатото лето пристигна во редовите на Ливерпул, но и покрај тоа што помина два преодни рока тој скоро и да не доби никакво засилување од управата на клубот што е навистина чудно без разлика на тоа што „црвените“ навистина имаат добри резултати во Премиер лигата, Лигата на шампионите, а се на еден чекор од освојување на трофејот во англискиот Лига Куп.

Меѓутоа повеќе од јасно е дека следново лето клубот ќе мора да биде поактивен на пазарот особено ако загуби дел од ѕвездите како Салах, Ван Дајк и Александер Арнолд, тројката која останува без договори на крајот на кампањата.

Роби Фаулер кој е дете на Ливерпул и човек кој во два мандати беше дел од првиот тим има еден предлог за менаџерот Арне Слот кога се во прашање засилувањата, а тоа е Мики Ван Де Вен од Тотенхем.

-Јас сум таков навивач кој мисли дека ако не сте таму и донесете добри играчи, тогаш ќе се лизнете зад конкуренцијата и ќе назадувате. Ако не го правите тоа и не го подобрувате тимот, можете да застанеш. Кога станува збор за Мики ван де Вен, тој е многу добар играч и покрај проблемите со повредите.

-Мислам дека е силен, брз и мислам дека би изгледал како што треба во дресот на Ливерпул. Знам дека навивачите на Тотенхем нема да сакаат да го слушнат тоа, но тоа е комплимент за него како играч што мислам дека лидерите во лигата треба да го погледнат, -рече Фаулер.

Холанѓанецот кога е фит и подготвен навистина е еден од најквалитетните играчи на својата позиција во ПЛ. Тој има договор со „петлите“ до 30 јуни 2029 година.