„Фармацевтите“ никогаш не се откажуваат: Леверкузен со голем пресврт до полуфиналето во Купот на Германија (ВИДЕО)

Баер Леверкузен со доста мака и со голем пресврт успеа да го добие второлигашот Келн и да се пласира во полуфиналето на Купот на Германија.

Иако важеа за огромни фаворити, домаќините се препотија за да дојдат до победата или поточно лесно можеше да се случи да бидат елиминирани со оглед на тоа што 96 минута губеа со 2-1. Имено „јарците“ во завршницата на првиот дел и на почетокот на второто полувреме дадоа по еден гол и дојдоа до сериозна предност од 2-0.

Избраниците на Алонсо се врати во игра преку Шик во 61 минута, ама потоа не успеваа да дојдат до нов погодок се длабоко во судиското продолжение кога одново Чехот се најде на вистинското место и го одведе мечот во дополнителни 30 минути.

Таму Бонисејс во 98 реализираше за 3-2 за Баер, но Келн не се откажа и потоа стрелаше за 3-3, меѓутоа поради офсајд остана без истиот.

На крајот Леверкузен дојде до триумф и останува во игра да го одбрани трофејот во натпреварувањето.