Фантастичниот дефанзивец на Ливерпул го „изневери“ Карагер: Имав дрес од Анри кога бев помлад (Видео)

Петтото коло во Лигата на шампионите беше комплетирано со натпреварите кои се одиграа во средата, од кои убедливо најинтересен и најследен беше оној на „Енфилд Роуд“.

Ливерпул на домашен терен го надигра Реал Мадрид и заслужено славеше со 2:0, но по остварниот триумф, најпопуларната емисија за Лигата на шампиони ни донесе и една симпатична конверзација меѓу Робертсон, Карагер и Анри.

Левиот бек на Ливерпул извонредно се справуваше со ѕвездите на Реал, меѓутоа реши да го „изневери“ Џејми Карагер во ситуација кога требаше да го бира својот омилен член од студиото на „Си-Би-Ес“.

Карагер му нагласи дека никој во две години не го избрал него за омилен, но и покрај тоа, Робертсон му даде предност на Тити.

– Морам да бидам искрен и да кажам дека кога бев помлад, имав дрес од Арсенал од Анри, – откри Енди.

🗣️ Andy Robertson: “When I was younger, I had an Arsenal kit with ‘Thierry Henry’… 😳

[🎥 @CBSSportsGolazo] pic.twitter.com/Mwliecsaa2

— DailyAFC (@DailyAFC) November 28, 2024